مه‌رجه‌عێكی ئاینی شیعه‌كانی عێراق داوا له به‌رپرسانی عێراق ده‌كات هاوكاری هه‌رێمی كوردستان بكه‌ن و به‌كارهێنانی هێزیش له‌دژی خۆپیشانده‌رانی هه‌رێم ڕه‌تده‌كاته‌وه.
محه‌مه‌د ته‌قی موده‌ریسی مه‌رجه‌عی ئاینی شیعه‌كانی عێراق له به‌یاننامه‌یه‌كدا داوای له به‌رپرسانی عێراق كرد په‌له بكه‌ن له به‌هاناوه‌چوونی هه‌رێمی كوردستان له‌ڕێگه‌ی چاره‌سه‌ركردنی كێشه هه‌ڵپه‌سێردراوه‌كان و ئاساییكردنه‌وه‌ی په‌یوه‌ندییه‌كان، بۆئه‌وه‌ی خۆپیشاندانه‌كانی هه‌رێم زیان به ئاشتی كۆمه‌ڵایه‌تی نه‌گه‌یه‌نێت.
محه‌مه‌د ته‌قی موده‌ریسی مه‌رجه‌عی ئاینی شیعه‌كانی عێراق ده‌ڵێ: به بیری به‌رپرسانی هه‌رێمی كوردستانی ده‌هێنمه‌وه ده‌ستوری عێراقی مافی خۆپیشاندانی ئاشتیانه‌ی بۆ هاوڵاتیان فه‌راهه‌م كردوه، بۆیه به‌كارهێنانی هێز له‌دژی خۆپیشانده‌ران به‌توندی ڕه‌تده‌كه‌ینه‌وه.
